Kóngsgerði í Hafnarfirði er með elstu húsum í bænum. Væri horft út um gluggan á neðri hæð að sunnanverðu blasti höfnin við. Væri togarinn Maí GK í höfn mátti sjá skipið þessum augum yfir þak Bæjarútgerðar Hafnarfjarðar á háflóði. Myndin er af 8mm filmu og er því ekki sérlega skýr. Hún er tekin á lóðinni bak við hús.
Um sumarið 1970 var ég á Maí þessum og svo aftur haustið 1971. Kom aldrei eftir það þangað sem skipsmaður. Skuttogaröldin er þá runninn upp og allir togaramenn ráða sig þangað. Síðutogurum einumm á eftir öðrum er lagt. Einkum vegna tregðu manna til að ráða sig á þá. Útgerðin var til í að reka þá lengur. Rekstrinum er því sjálfhætt.
Síðast er ég vissi er búið í Kóngsgerði á báðum hæðum. Sjálf bjuggum við þar á neðri hæð í sextán eftirminnileg ár.
